Депутат Чыңгыз Айдарбеков аны Кыргызстандын атайын жана ыйгарым укуктуу элчиси дипломатиялык рангынан ажыратуу чечимин адилетсиз деп эсептейт. Бул тууралуу ал 24-октябрда журналисттерге билдирди.
22-октябрда президент Садыр Жапаров Айдарбековду дипломатиялык рангынан ажыратуу жарлыгына кол койгон.
«Мен жарлык тууралуу социалдык тармактардан билдим. Мен абдан таң калдым. Өмүр бою мен мамлекеттик дипломатиялык кызматта иштедим. Мен өлкө үчүн эмгектендим. Мен өткөн этаптардын баары оңой болгон жок. Бул жылдар талыкпаган эмгекти, тынымсыз эмгекти, уйкусуз түндөрдү, конкреттүү натыйжаларды талап кылды», — деди ал.
Буга чейин Чынгыз Айдарбеков Кыргызстандын атайын жана ыйгарым укуктуу элчиси дипломатиялык рангынан ажыратылганы жана тиешелүү жарлыкка президент Садыр Жапаров кол койгондугу маалымдалган.
Биздин Телеграм каналыбызга катталыңыз
