Нарын облусунун Ак-Талаа районунун Жангыз-Булак аймагында мыйзамсыз аңчылык кылган эки жаран кармалды. Бул тууралуу Жаратылыш ресурстары, экология жана техникалык көзөмөл министрлиги маалымдады.

Маалыматка ылайык, 7-августта К. уулу Э. жана Ш. уулу Т. аттуу тургундар уруксат кагаздары жок кийик атып, жанында 1 даана ИЖ-12 үлгүсүндөгү ок атуучу мылтык жана 3 даана балык уулоочу кайырма болгон.

Текшерүү учурунда тиешелүү документтер жеринде толтурулуп, кармалгандар жана далил буюмдар Ак-Талаа райондук ички иштер бөлүмүнө өткөрүлүп берилди.