Бүгүн, 11-августтан тартып Кыргызстанда уй жана кой этинин (сөөксүз эттен тышкары) баасына мамлекеттик жөнгө салуу киргизилди. Бул тууралуу Экономика жана коммерция министрлиги билдирди.

Чара 90 календардык күнгө белгиленип, эттин негизсиз кымбатташына жол бербөө жана калк үчүн жеткиликтүүлүгүн камсыздоо максатын көздөйт. Бааны көзөмөлдөөнү Монополияга каршы жөнгө салуу кызматы жүргүзөт.

Чечим «Баалоо жөнүндө» мыйзамга жана министрлер кабинетинин социалдык мааниге ээ товарларга баа жөнгө салуу боюнча токтомдоруна ылайык кабыл алынган.