Жалал-Абаддын Аксы районунда 65 жаштагы жаран мал уурдап, союп сатууга шектелип кармалды. Бул тууралуу облустук милициядан билдиришти.

Милициянын маалыматы боюнча, Аксыда бир тургундун баасы 85 миң сом болгон букасын белгисиз адамдар уурдап кеткен.

Аталган факт боюнча “мал уурулук” беренеси менен кылмыш иши козголгон.

Иликтөө иштеринин натыйжасында шектүү катары 65 жаштагы жаран кармалды. Ал кылмышты жашыруу максатында союлган малдын этин короосундагы жерге көөмп жатканда колго түшүрүлгөн.

Учурда анын башка уурулук фактыларына катыштыгы текшерилүүдө.