Акыйкатчы институттун жалпы жамааты селден жабыркагандар үчүн жардам ирээтинде бир күндүк эмгек акысын которушат. Бул тууралуу укук коргоо мекемесинен билдиришти.

Маалыматка караганда, Ош облусу боюнча өкүлчүлүгү селден жабыркап, үй-мүлксүз калган жарандарга укуктук кеп-кеңештер берилип, мамлекеттен кандай жардам алуу тууралуу түшүндүрүү иштерин жүргүзүштү. Кызматкерлер акысыз психологиялык кеп-кеңештерди берүүгө дагы даяр.

Акыйкатчы Жамиля Жаманбаева катуу келген селдин кесепетинен каза болгондордун жакындарына көңүл айтты.