Бүгүн, 14-ноябрда Жогорку Кеңештин жыйынында министрлер кабинетинин төрагасы Акылбек Жапаров “кызматтан кетеби?” деген суроого жооп берди.

Жыйында депутат Дастан Жумабеков Жапаровдун республикалык бюджеттин аткарылышы жана пландары тууралуу баяндамасы жакшы болгонун, ага өкмөт башчы коштошуп жаткандай таасир калтырганын айтып, “кызматтан кеткени жатабы?” деген суроо узатты.

Жапаров кызматтан кетпей турганын билдирди.

“Аны күтпөй эле коюңуз” деп айткандан уялып жатам. Баяндамабыз эмдиги жылы мындан да жакшы болот. Бул Кудайдын буйругу жана президенттин чечими. Президент канчага чейин ишеним артса, ошончо иштейбиз”, – деди ал.

Акылбек Жапаров президент ага “эң көп иштеген өкмөт башчы болосуз” деп айтканын белгиледи.