Жогорку Кеңеш ушул аптада Кыргызстандын президентин шайлоону дайындоо маселесин карабайт. Ал 24-сентябрга жылдырылды. Бул тууралуу депутат Дастан Бекешев билдирди.

«Бул аптада бизде президенттик шайлоону дайындоо боюнча маселе каралбайт, 24-сентябрга жылдырышты», — деди ал.

Эскерте кетсек, буга чейин депутат эгер ЖКнын тармактык комитети маселени 15-сентябрда караса, токтом долбоору 17-сентябрда эле парламенттин кароосуна чыгарылышы мүмкүн экенин билдирген болчу.

«Негизи, ЖК президенттик шайлоону шайлоого чейин 100 күн калганда, бирок 90 күндөн кечиктирбестен жарыялашы керек. Бизде 10 күн бар», — деп түшүндүргөн Бекешев.