2025-жылдын жыйынтыгы боюнча Кыргызстанда өнөр жай өндүрүшүнүн реалдуу өсүшү 10,6 пайызды түздү. Бул тууралуу финансы министринин орун басары Умутжан Аманбаев Жогорку Кеңеште мамлекеттик бюджеттин аткарылышы боюнча отчет берип жатып билдирди.

Өсүштү бир нече тармак камсыздады. Пайдалуу кендерди казып алууда өндүрүш 14,2 пайызга, энергетика тармагында 11,2 пайызга, ал эми иштетүү өнөр жайында 9,8 пайызга өстү.

Ошол эле учурда 2025-жылга өнөр жай өндүрүшүнүн өсүшү 7,1 пайыз деңгээлинде болжолдонгон.