Сиз өзүңүздү олигархтардын катарындамын деп эсептейсизби? Бул суроонуу Жогорку Кеңештин депутаты Кемелбек Акылбеков Министрлер Кабинетинин төрагасынын милдетин аткаруучу Акылбек Жапаровго парламентте берди.

 “Мен олигарх эмесмин. Бизнес менен алектенбейм. Бизнести келинчегим жүргүзөт. Бир да жолу мамлекеттик тендерлерге катышкан эмес. Конфет алып-келип сатчу. Аткезчилик көбөйгөндөн кийин ал бизнесин да токтотту. Азыр алма өстүрөт. 10 жылдын ичинде 1 млрд. 200 млн. сомдон ашык салык төлөдү” – деди  Акылбек Жапаров.

Буга чейин Бишкек шаарындагы “Дамас” мейманканасы Акылбек Жапаровго таандык деген маалыматтар айтылган.