Кыргызстандык балбан Акжол Махмудов (77 кг) кеминде төрт олимпиадада жеңишти багындырууну көздөйт. Бул тууралуу ал грек-рим күрөшү боюнча эл аралык федерацияга берген маегинде билдирди.
Дүйнө чемпиону 10 суроого жооп берип, анда Токиодо өткөн Олимпиадада толук даярдыгына карабай, алтын утпай калганын айтты.
«Мен даяр болчумун, бирок бир аз көңүлдөнбөй койгондуктан утулуп калдым», — дейт ал.
Ал күрөш болбогондо бокс менен машыкмак. Балбан Мальдив аралына эс алууга барууну эңсейт. Медалдарын үйдө сактайт.
«Мен үчүн эң балуу нерсе — үй-бүлө. Бул жашоодо эң оор нерсе — азгырыкка алдырбоо», — дейт ал.
Махмудовду дүйнө чемпионатынын финалында уткан балбан Олимпиадага жолдомо алды
