Ала-Арча мамлекеттик жаратылыш паркында дүйнөлүк стандарттагы алгачкы родельбандын курулушу башталды. Бул тууралуу Президенттин иш башкармалыгынын жетекчиси Каныбек Туманбаев өзүнүн Facebook баракчасында билдирди.

Маалыматка ылайык, одельбандын узундугу 1 миң 200 метр болуп, 36 чана коюлат жана саатына 500 конокту кабыл ала алат.

Долбоор «Wiegand» ишканасы менен биргеликте ишке ашат. Капсула салуу аземине аталган ишкананын директору Юрген Хельмут Рушке катышкан. Ал өз сөзүндө Кыргызстандын жаратылышына терең таасирленгенин жана ишкана өлкөдө мындай долбоорду ишке ашырып жаткандыгы өзгөчө окуя экенин белгилеген.