17 жана 18-июлда саат 19:00дө Бишкектеги Ала-Тоо аянтында ачык асман алдындагы музыкалык кечелер уюштурулат.

Борбор калаанын тургундары жана коноктору үчүн чыгармачыл жамааттардын жана аткаруучулардын катышуусунда концерттик программа даярдалды.

Мэриянын маалыматына ылайык, иш-чаралар борбор калаанын маданий турмушун өнүктүрүүгө, ата мекендик искусствону колдоого жана үй-бүлөлүк, достук эс алуу үчүн ыңгайлуу шарттарды түзүүгө багытталган.

Бишкек шаарынын мэриясы бардык каалоочуларды жайкы кечти жандуу музыканын коштоосунда жана жакшы маанайда өткөрүүгө чакырат.