Ош облусунун, Алай районундагы Калама жайлоосунда Алымбек датканын 225 жылдык мааракесине арналган иш-чаралар жандуу жана майрамдык шаң менен старт алды.

Жайлоонун кооз этегине 170тен ашуун боз үй тигилип, чыныгы этношаарчага айланды. Конокторду улуттук даамдар, кол өнөрчүлүк көргөзмөлөрү жана оюн-зоок тосуп алды.

Пркезиденттин Ош облусундагы өкүлчүлүгүнүн маалыматына ылайык, анын жүрүшүндө улуттук оюндардын тандоо турлары кызуу өтүп, “Ордо”, “Тогуз коргоол”, алыш күрөшү жана “Салбуруун” мелдештери майрамдын көркүн ачууда.

Салтанатка Ош облусунун өкүлү Элчибек Жантаев оюндарга күбө болуп, катышуучуларга ийгилик каалады.

Мааракенин эң кызыктуу финалдык таймаштары 12-сентябрда өтөт.