Бүгүн, 25-июлда, Салык кызматынын төрагасы Алмамбет Шыкмаматов Нарын шаарынын базарларындагы товарларда акциздик маркалардын коюлушуна багытталган рейддик иш-чарага катышты. Бул тууралуу Салык кызматы билдирди.

Маалыматка ылайык, рейдге президенттин Иш башкармалыгынын башчысы Каныбек Туманбаев да катышкан.

Текшерүүлөрдүн жыйынтыгында акциздик маркаларга байланышкан салык мыйзамдарынын бузуу факты аныкталган. Мыйзам бузгандарга карата айып пул салынган.

Мындан тышкары Алмамбет Шыкмаматов салык мыйзамдарын, өзгөчө акциздик маркаларды колдонуу боюнча талаптарды так сактоо зарылдыгын белгилеген.