Ош шаарында Кайгуул милициянын инспектору К.Т.К. кызматтык абалынан кыянаттык менен пайдаланганы үчүн УКМК тарабынан кармалды.

Ал мас абалында автоунаа башкарган айдоочунун ордуна жүргүнчүнүн маалыматын наркологиялык текшерүүгө жөнөтүп, мыйзам бузган адамды жоопкерчиликтен бошоткон. Ошондой эле тиешелүү протоколдорду түзбөстөн унааны кайра кайтарып берген.

Инспектор убактылуу кармоочу жайга камалып, тергөө иштери жүрүп жатат.