Бишкек шаардык Свердлов РИИБи «Ашар бирикмеси» фондунун директору, 25 жаштагы К.А. аттуу жаранды кайрадан кармады. Ал алдамчылыкка шектелүүдө.

Маалыматка ылайык, жабырлануучулардын бири милицияга арыз жазып, фонд директору «3 млн сомдук үй алып берем» деп убада кылып, 183 200 сомун алганын, бирок бүгүнкү күнгө чейин убадасын аткарбай келгенин билдирген.

Свердлов РИИБинин маалыматына караганда, учурда шектүүгө карата 11 кылмыш иши козголгон, дагы төрт иш тергөөгө чейинки текшерүүдө турат.

Жалпысынан бул кылмыш иштер боюнча жабырлануучуларга келтирилген чыгымдын көлөмү 4 млн 681 200 сомду түзгөнү белгиленди.