«Кыргызстандын аэропорттору» ААКсы Asman Airlines авиакомпаниясы Бишкек – Нарын – Бишкек багыты боюнча акциянын мөөнөтүн 2026-жылдын 31-августуна чейин узартканын билдирди. Башында акция 31-июлга чейин гана пландалган, бирок жүргүнчүлөрдүн жогорку суроо-талабына байланыштуу дагы бир айга узартуу чечими кабыл алынды.

Акциянын алкагында бир тарапка авиабилеттин баасы 2 100 сомдун ордуна 1 000 сомду түзөт.

Мындан тышкары, Казарман – Бишкек багыты боюнча да арзандатылган тариф күчүндө калууда. Бул акция 2026-жылдын 26-июнунда башталып, 2026-жылдын 26-сентябрына чейин уланат. Анын алкагында бир тарапка билеттин баасы 3 100 сомдун ордуна 2 100 сомду түзөт.

Компаниянын маалыматына ылайык, акциянын мөөнөтүн узартуу Кыргызстандагы аймактардын транспорттук жеткиликтүүлүгүн жогорулатуу, ички туризмди өнүктүрүү жана жеткиликтүү авиакаттамдардын мүмкүнчүлүктөрүн кеңейтүү боюнча жүргүзүлүп жаткан иштердин бир бөлүгү болуп саналат.

Акциялык тарифтер боюнча билеттерди Asman Airlines компаниясынын расмий сайты жана мобилдик тиркемеси аркылуу сатып алууга болот.