Жогорку Кеңештин “Ата-Мекен” фракциясынын лидери болуп депутат Сайдулла Нышанов шайланды. Ал эми фракция лидеринин орун басары кызматы депутат Шайлообек Атазовго берилди.

“Ата Мекен” фракциясын буга чейин депутат Айсулуу Мамашова жетектеген. Ага чейин партия лидери Өмүрбек Текебаев фракциянын лидери болчу.

3-мартта Жогорку Сот БШКнынТекебаевдин депутаттык мандатын кайтарып берүү тууралуу токтомун жараксыз деп тапкан Бишкек шаардык административдик соту менен Бишкек шаардык сотунун чечимин күчүндө калтырган.

Текебаевдин ордуна тизме боюнча кийинки турган Мамлекеттик мүлк фондунун мурдагы жетекчиси Шералы Абдылдаевге депутаттык мандат берилет.