Бишкек мэриясы Ататүрк сейил багынын аймагындагы бош жерге мыйзамсыз курулуп жаткан обьект буздурулганын билдирди.

Текшерүүнүн жыйынтыгында аталган аймакта курулуш иштерин жүргүзүүгө уруксат берүүчү документтердин жоктугу аныкталган.

“Колдонуудагы мыйзамдардын талаптары бузулгандыгына байланыштуу ыйгарым укуктуу кызматтар тарабынан объектини бузуу иштери уюштурулуп, жүргүзүлдү. Жер тилкеси баштапкы абалына келтирилди”,- деп билдирди мэрия.