Автоунаалардын кузовдорун Кыргызстанга ташып келүүгө 6 айга тыюу салынды. Бул туурасындагы Министрлер кабинетинин токтому “Эркин-Тоо” гезитинин санына жарыяланды.

Токтомго өкмөт башчы Адылбек Касымалиев 7-мартта кол койгон. Токтом расмий жарыяланган баштап 15 күндөн кийин күчүнө кирет.

Токтомго ылайык, бул тыюу “ДТ Техник”, “ТНК “Шумкар”, “Жису”, “Шунфа”, “Мурат авто” , “Кыргыз Унаа Курулуш”, “Меридиан Голд” компаниялары тарабынан ташылып келинген, Кыргызстандын аймагында автотранспорт каражаттарын өндүрүү жана чогултуу үчүн арналган кузовдорго тиешелүү эмес.