Кыргызстандын соцтармактарында бир аял кичинекей баланы чыркыратып сабап жатканы тартылган видео тарап жатат. Анда аял аны башка балдардын көзүнчө тепкилеп, уруп жатканын көрүүгө болот. Бишкек шаардык милициясы расмий маалымат таратып, бул видео Казакстанда тартылганын билдирди.

“Аталган окуя Кыргызстандын эмес, Казакстандын аймагында болгон”,- деп айтылат маалыматта.

Бишкек ШИИБ пабликтердин жана баракчалардын администраторлорунан мындай видеоматериалдарды жарыялаганда сөзсүз түрдө так маалыматты берүүнү, ошондой эле элди адаштырган жана коомчулукту тынчсыздандырган материалдарды жарыялоодон карманууну суранды.