Мөөнөтсүз айдоочулук күбөлүктөрдү акысыз алмаштыруу боюнча акция узартылат. Бул тууралуу президенттин басма сөз катчысы Дайырбек Орунбеков билдирди.

Акция 15-январдан 15-февралга чейин жүргүзүлмөк. Анын айтымында, бир ай ичинде айдоочулук күбөлүктү алмаштыра албай калгандар үчүн кошумча убакыт берилет. Ошондой эле алмаштырууда 083 медициналык маалым каты дагы талап кылынбайт.

Буга чейин президенттин иш башкаруучусу Каныбек Туманбаев күбөлүктөрдү эмне себептег алмаштыруу керектигин түшүндүргөн. Анын айтымында, эски айдоочулук күбөлүктөр санариптештирилген эмес, коргоосу начар жана кээ бир коңшу мамлекеттерде таанылбайт.