Олимпиаданын эки жолку чемпиону жана дүйнөнүн үч жолку чемпиону күрөшчү Айсулуу Тыныбекова журналист Вячеслав Абдусаламовго берген маегинде өзүнүн жеке жашоосу тууралуу кеп кылды.

Анын айтымында, жолдошу — Бакберген Абдимиталипов, грек-рим күрөшү менен машыгып, Кыргызстандын улуттук курама командасынын мүчөсү болгон.

«Анын мени багынта алгандыгы — чоң жетишкендик. Кол сунгандар көп болгон, бирок ал өзүн мыкты жагынан көрсөтө алды. Эркек киши сөзсүз аракет кылышы керек. Мага эркектердин аракет кылганы жагат. Ал аракет кылып, мени алды. Натыйжасы — ушул. Жашоо да — күрөш», — деди Тыныбекова.