Кыргызстан мусулмандарынын Дин башкармалыгы билдиргендей, 2026-жылдагы ажылык сапарга каттоо 2025-жылдын 23-сентябрында башталат.

Талапкерлер Элдик банкка (РСК) «Ажылык-2026» эсебине алдын ала 2000 АКШ долларын жана кайтарымсыз 1200 сомду төлөгөндөн кийин гана катталат. Каттоо квота толгонго чейин уланат.

Негизги талаптар:

• Электрондук (E-id) же ID-карт паспорт;
• Тышкы паспорт (2026-жылдын 30-ноябрынан кийин да жарактуу болушу шарт);
• 4 даана 3×4 көлөмүндөгү сүрөт;
• Медициналык справка жана психиатр, наркологдон аныктама (2025-жылдын 23-сентябрынан кийин алынган);
• Аялдар үчүн махрамдын болушу милдеттүү;
• Жарандын жашы 18 жаштан жогору болушу керек.

Каттоо 23-сентябрдан 2-октябрга чейин облустук жана шаардык казыяттарга караштуу операторлор аркылуу жүргүзүлөт.

Эскерте кетсек, Сауд Араб Падышалыгынын визалык базасында кошумча төлөмдөр талап кылынса, аны зыяратчы өзү төлөйт.