Грек-рим күрөшү боюнча 77 килограммга чейинки салмак ченинде күрөшкөн балбан Акжол Махмудов Азия чемпионатынын финалына чыкты.

Жарым финалда Махмудов кореялык балбанды 4:1 эсебинде жеңди.

Ошондой эле 1/4 финалда ал Ирандын спортчусун 9:1 эсебинде утуп алды.

Дагы бир грек-рим күрөшчүсү Тынар Шаршенбеков 63 килограммга чейинки салмак ченинде Азия чемпионатынын финалына чыгуу үчүн күч сынашат.

Кыргызстандык балбан Балбай Дордоков (55 килограммга чейин) чейрек финалда өзбекстандык балбандан утулуп калды.

Эске салсак, 19-24-апрель күндөрү Улан-Батор шаарында күрөш боюнча Азия чемпионаты өтүүдө.