9-августта Бишкек шаарындагы Тоголок Молдо көчөсүнүн Фрунзе көчөсүнөн Абдымомунов көчөсүнө чейинки тилкеси унаа кыймылы үчүн жабылат. Бул тууралуу шаар мэриясы билдирди.

Чектөөлөр Фрунзе көчөсүндөгү жылуулук тармактарын реконструкциялоо иштерине байланыштуу. Ушул эле күнү Фрунзе жана Панфилов көчөлөрүнүн кесилишинде унаа кыймылы кайрадан жанданат.

Оңдоо иштери шаарды жылуулук менен ишенимдүү камсыздоо жана алдыдагы күз-кыш мезгилине даярдык көрүү максатында жүргүзүлүүдө. Мэрия айдоочуларды жол жүрүү багыттарын алдын ала пландаштырууга жана жол белгилерин сактоого чакырды.