Бишкекте кыргыз күрөшү боюнча республикалык мелдеш өтөт. Байге фонду 1 млн сом. Бул тууралуу Дене тарбия жана спорт департаментинен билдиришти.

Маалыматка караганда, дүйнө чемпиону Жанболот Осмоновдун жаркын элесине арналган мелдеш үстүбүздөгү жылдын 3-июнунда Бишкектеги “Газпром балдарга” ден соолукту чыңдоо борборунда өтөт.

Мелдешке республиканын бардык аймактарынан келген спортчулар катышат. Жеңүүчүлөргө тиешелүү даражадагы диплом, медаль жана акчалай сыйлыктар тапшырылат.

Катышуучулар 62, 75, 85, +85 кг жана 75 кг салмакка чейинки абсолюттук салмакта күч сынашат.

Биздин Телеграм каналга катталыңыз