АКШ президенти Дональд Трамп Newsmax телеканалына берген маегинде Украинадагы жаңжал акыры тынчтык жолу менен жөнгө салынарын, бирок анын пикиринде, макулдашууларга Владимир Зеленскийдин катышуусуз эле жетишилерин билдирди.

Трамп дагы эмнелерди билдирди:

• жаңжалдын тараптары акыры келишимге келишет, бирок Украинанын азыркы лидеринин катышуусуз;
• Зеленский — биз алака түзө турган (иш алып бара турган) адам эмес. Ал маселени жөнгө салууну каалай турганын айтып жатат, бирок андай эмес;
• Зеленский менен макулдашууга жетишүү РФ президенти Владимир Путинге караганда кыйыныраак;
• мен аны [Зеленскийди] Ф. Т. Барнум деп атайм (америкалык шоумен, цирктин негиздөөчүсү. — Ред. эскертүүсү);
• менимче, Украинага шайлоо керек;
• Зеленский — бүтүм түзүү абдан кыйын болгон адам;
• Жо Байден президент болуп турган кезде Украинага өткөрүлүп берилген америкалык ракеталар кийин ачык базарда кайра сатылып кеткен;
• мен [Иранга каршы] өзөктүк курал колдонмок эмесмин. Бизге мунун кереги жок;
• биз бул тууралуу Орусия менен чындап сүйлөшүп жатабыз, ошондой эле денуклеаризация (өзөктүк куралсыздануу) боюнча Кытай менен да сүйлөшүү жүргүзүүдөбүз.