Ысык-Көл облусунун Балыкчы шаарында баңги затын ташыган кылмыштуу топ кармалды. Бул тууралуу Улуттук коопсуздук мамлекеттик комитетинин маалымат борбору билдирди.

Маалыматка ылайык, Кыргызстандын жарандары Т.Э.Ж. жана Ж.у.Э. баңгизатты Ысык-Көл районунан Балыкчыга системалуу ташып келип, кол менен даярдап, андан ары сатууга аракет кылышкан.

Текшерүү маалында алардын жанынан 6 килограмм баңгизат, аны даярдоочу каражаттар жана катталбаган «Тоз-8» үлгүсүндөгү ок атуучу курал алынган.

Шектүүлөр учурда кармалып, Каракол шаардык тергөө абагына эки айга камакка алынды. Тергөө иштери уланууда.