Ысык-Көлдүн Балыкчы шаарында катуу шамал болуп, ооруканада жаткан аял жана наристе жабыркады. Бул тууралуу Өзгөчө кырдаалдар министрлигинен билдиришти.

Министрликтин маалыматы боюнча, 23-январда таңкы саат 06:22де Балыкчыда ылдамдыгы секундасына 28-34 метрге чейин жеткен катуу шамал болгон.

Шамал Балыкчыдагы аймактык оорукананын чатырын учуруп, тунуке жугуштуу оорулар бөлүмүнүн терезесин сындырган. Натыйжада палатада дарыланууда жаткан 32 жаштагы аял жана 2023-жылы туулган наристе жабыркаган. Абалдын абалы туруктуу, учурда дарыгерлердин кароосунан өтүп жатышат.