.svg){kind=logo}
Садыр Жапаров Маданият жана искусство университетинин жаңы корпусун ачтыКыз ак калпакты өрттөп, тойлордо белек берүү салтынан баш тартууга чакырдыБишкекте СТО жайгашкан имараттагы өрттөн бир адам каза болдуСом түштүк корея вонуна карата бекемделип, британ фунтуна карата алсырадыПРООН киберкылмыштуулук менен күрөшүүчү адистерди даярдоого жардам беретЖети-Өгүз районунда жетим балага үй куруу үчүн жер тилкеси берилди
Балыкчыда ЖККУнун «Рубеж-2025» машыгуулары өтүүдө
17.09.2025 | 15:00
Бүгүн, 17-сентябрда Балыкчы шаарында ЖККУнун Борбордук Азия регионунун «Рубеж-2025» командалык-штабдык машыгуулары башталды.
Коргоо министрлиги маалымдагандай, иш-чарага Жамааттык коопсуздук келишим уюмунун Башкы катчысы Имангали Тасмагамбетов жана Кыргызстандын Коргоо министринин биринчи орун басары Эрлан Төрөкулов катышты. Алар КР Куралдуу күчтөрүнүн командалык пункттарындагы иштин уюштурулушу менен таанышты.
Ачылыштын алкагында машыгуунун директивасы тааныштырылып, расмий документ КР ӨКМнин командири полковник Алтынбек Тынаевге тапшырылды. Командалык пункттун ыкчам штабы кырдаалга баа берип, алдыдагы иш-чаралардын планын даярдоого киришти.
Андан соң аскердик контингенттер практикалык машыгууларды баштоо үчүн белгиленген аймакка көчүрүлдү.
