Баткен облустук прокуратурасы тарабынан жүргүзүлгөн текшерүүдө, Баткен шаардык мэриясынын 2008-жылдагы токтому менен 0,15 га жер тилкеси мыйзамсыз түрдө Э.У. аттуу жарандын жеке менчигине бөлүнүп берилгендиги аныкталган. Бул тууралуу Башкы прокуратурадан билдиришти.

Маалыматка караганда, аталган жер тилкеси боюнча прокуратура сотко доо менен кайрылып, жыйынтыгында жер тилкенин укук белгилөөчү жана укук ырастоочу иш кагаздары жараксыз деп табылган.

Облустук прокуратура тарабынан Баткен шаардык мэриясына келтирилген прокурордук актынын кароонун жыйынтыгында, жалпы 2 млн 100 миң сомго бааланган жер тилке муниципалдык менчиктин эсебине кабыл алынды.

Телеграм каналыбызга каттала кетиңиз