Улуттук коопсуздук мамлекеттик комитети (УКМК) тарабынан Баткен шаарында жайгашкан «Баткен таңы» редакциясынын имараты мамлекетке кайтарылды.

Атайын кызматтын маалыматында, текшерүүнүн жүрүшүндө 2010-жылдын январь айында Мамлекеттик мүлк министрлиги тарабынан аталган имарат 0,22 гектар жер тилкеси менен кошо сатылып кеткендиги аныкталган. Имараттын стратегиялык маанисине карабастан, менчиктештирүү процесси мыйзам бузуулар менен ишке ашырылган.

УКМК тарабынан жүргүзүлгөн ыкчам-иликтөөнн натыйжасында объект мамлекеттик баланска өткөрүлдү. Бул иш-чара мыйзамсыз менчиктештирилген мамлекеттик мүлктү аныктоо жана кайтаруу боюнча мамлекеттик саясаттын алкагында ишке ашырылган.