Баткен облусунда баасы 50 млн доллардан ашкан алтын кен мамлекетке кайтарылды. Бул тууралуу УКМКдан билдиришти.
Атайын кызматтын маалыматы боюнча, Баткендеги «Апрель AZI» кени кылмыштуу кирешелерди адалдоо, кримтөбөл Камчы Көлбаевдин уюшкан кылмыштуу тобун каржылоо фактысы боюнча козголгон кылмыш иштин алкагында кайтарылган. Кенде алтындын дээрлик 10 тонна жана күмүштүн 15 тонна запасы бар. Алдын ала эсеп боюнча анын баасы 50 млн доллардан ашат.
