Бишкек шаарындагы Кронштадт көчөсүнүн Манас көчөсүнөн (мурдагы Фучик көчөсү) Месарош көчөсүнө чейинки бөлүгүндө оңдоп-түзөө иштери аяктады. Бүгүн, 14-сентябрда, жолдун аталган тилкеси унаа кыймылы үчүн кайрадан ачылды.

Шаар мэриясынын маалыматында, оңдоо иштеринин жүрүшүндө жолдун үстүңкү катмары жаңыланып, жол инфратүзүмү боюнча иштер аткарылган. Жол белгилери жана коопсуздук элементтери белгиленген талаптарга ылайык келтирилген.

Бишкек шаарынын мэриясы жол кыймылынын катышуучуларын жол эрежелерин, белгилердин талаптарын жана белгиленген ылдамдык режимин сактоого чакырды.