Өлкө башчы Садыр Жапаров 15-сентябрдан 18-сентябрга чейин Корея Республикасына президент Ли Чжэ Мёндун чакыруусу менен расмий сапар жасайт. Бул тууралуу президенттик администрациядан билдиришти.

Сапардын жүрүшүндө Садыр Жапаров «Борбордук Азия — Корея» биринчи саммитине катышат. Саммиттин жыйынтыгы боюнча Сеул декларациясын кабыл алуу пландалган.

Ошондой эле өлкө башчысы Кореянын жетекчилиги менен эки тараптуу сүйлөшүүлөрдү жүргүзөт. Сапардын алкагында экономикалык, инвестициялык, бажы жана башка тармактар боюнча эки тараптуу документтердин топтомуна кол коюу каралууда.