2026-жылы Баткен облусунда курула турган жаңы шаардын долбооруна 1 миллиард сом бөлүү каралууда. Бул тууралуу аймактын жетекчиси билдирди.

Маалыматка ылайык, облус борборун көрктөндүрүүгө кошумча 500 миллион сом жумшалмакчы.

Буга чейин 800 гектар аянтка жайгашып, 100 миңге чейин адамды камтыган жаңы калаа куруу пландалып жатканы кабарланган. Жаңы шаар инфраструктурасы заманбап шарттарга жооп берип, аймактагы калкты калыс бөлүштүрүү жана өнүктүрүү максатын көздөйт.

Долбоорду ишке ашыруу этап-этабы менен жүргүзүлөт.