Беларустун Кыргызстандагы элчиси Сергей Молунов «Ой-Ордо» эксперттик демилгелер борборунун тегерек столунда Бишкекте белорус соода үйү жакында ачыла тургандыгын билдирди.

«Түз эле үч жумадан кийин кыргыз рыногунда Беларустун соода үйүн ачабыз — анын ичинен сүт азыктарынын соода үйү болот. Ал жерде сүт азыктары гана эмес, мультибренддүү болот. Биз ишибизди кеңейтебиз», — деп билдирди элчи.

Молунов ошондой эле белорус агроөнөр жайынын ийгиликтери тууралуу айтып берди: анын айтымында, өткөн жылы өлкө тышкы рынокторго 10 млрд долларлык азык-түлүк жеткирип, сүт азыктарын экспорттоочу дүйнөлүк беш мамлекеттин катарына кирген. ФАОнун башкы директору Беларусту глобалдык азык-түлүк коопсуздугун камсыздоодогу лидерлердин бири деп атады — өлкө ар кандай категориялар боюнча өзүн азык-түлүк менен 110–140%га камсыздайт.

«Бишкектеги каалаган дүкөнгө баш багыңыз — сиз ал жерден белорус продукциясын, өзгөчө сүт азыктарын сөзсүз табасыз», — деп белгиледи элчи.

Иш-чара 3-июлда белгиленүүчү Беларустун Эгемендүүлүк күнүнүн алдында өттү. Молунов ошондой эле 22-июлда Беларусь Тышкы иштер министринин Кыргызстанга расмий сапары болорун кабарлады.