Беларусь элчилигинин колдоосу менен өткөн «Ой-Ордо» эксперттик демилгелер борборунун тегерек столунда аскердик серепчи Мурат Бейшенов Кыргызстандын ЖККУдагы соода өнөктөштөрү (союздаштары) менен аскердик кызматташтыгынын абалы тууралуу бир катар курч тезистерди айтты.

Серепчинин негизги нааразычылыгы — аскердик кадрларды даярдоодогу дисбаланс болду. Анын айтымында, Кыргызстан жыл сайын ондогон офицерлерди Түркияга окууга жөнөтөт: быйыл ал жакка — түркиялык аскердик академияларга жана институттарга 40 адам барат. Ошол эле учурда Беларуста кыргызстандык бир дагы аскер кызматкери окубайт десе болот.

«Түркияда 25 аскер кызматкери окуп жатат — булар болочок полковниктер, генералдар, идеологдор. Беларуста аскерлер жок. ЖККУ кайда, биз кайдабыз, биздин мейкиндик кайда?» — деп Бейшенов риторикалык суроо салды.

Ал кыргызстандык жок дегенде беш-он аскер кызматкерин анын баалоосу боюнча бүгүнкү күндө эң мыктылардын бири саналган беларусь академияларына окууга жөнөтүүгө чакырды. Эксперттин айтымында, буга мыйзамдык маселе тоскоолдук жаратууда: Беларуста окуу жеңилдиктерсиз, коммерциялык негизде гана мүмкүн.

Бейшенов уюмдун абалына нааразы экенин (өкүнүчүн) жашырган жок.

«ЖККУ өз позициясын жоготуп жатат — мен бул тууралуу мындан эки-үч жыл мурун эле айткам», — деп билдирди ал. 

Ошондой эле ЖККУнун пландуу аскердик машыгууларын Беларустун аймагында өткөрүүнү сунуштаганын, бирок демилге ишке ашпай калганын кошумчалады. Анын пикиринде, НАТО дүйнөнүн каалаган жеринде ашыкча макулдашууларсыз пландуу машыгууларды өткөрөт, ал эми ЖККУ жол-жоболорду татаалдаштырат.

Эксперт ошондой эле Түрк мамлекеттеринин уюмунун (ТМУ) аскердик чөйрөдөгү активдүүлүгүнө тынчсыздануусун билдирди:

«Эгер ТМУ экстремизм менен күрөшүү шылтоосу астында аскердик багытын ачса, таң калбайм».

Сын-пикирлерге карабастан, Бейшенов эки өлкөнүн мамилесин жогору баалады. Ал Беларусту Кыргызстандын «эң ишенимдүү өнөктөшү» деп атап, товар жүгүртүүнү 500 млн долларга чейин жеткирүү демилгесин колдой турганын билдирди.