Токтогул районундагы Чычкан суусуна “Lexus-470” унаасы түшүп кетти, деп билдирет ӨКМдин басма сөз кызматы.

Маалыматка караганда, кырсык 2-июнь күнү саат 07:00 чамасында Бишкек —Ош унаа жолунун 275-чакырымында (Чычкан капчыгайы) катталып,  “Lexus-470” үлгүсүндөгү унаа Чычкан суусуна түшүп кеткен.  Унаанын ичинде 5 адам болгон, анын ичинен 2 адам жеңил жаракат алышып, тез жардам кызматы тарабынан ооруканага жеткирилген.

Унаанын ээсинин кайрылып, унааны чыгарып берүүгө көмөк көргөзүү үчүн жерине 5 куткаруучу, №23 ЖТИден 1 жүктөгүч, ИИМден 1 экипаж тартылып, сууга түшүп кеткен унааны чыгарып ээсине өткөрүп беришкен.