Өлкө башчы Садыр Жапаров бир катар диний ишмерлерди мамлекеттик сыйлыктар менен сыйлоо жөнүндө жарлыкка кол койду. Бул тууралуу президенттин басма сөз кызматы бүгүн, 21-майда, билдирди.

Маалыматка ылайык, сыйлыктар өлкөнүн руханий потенциалын өнүктүрүүгө жана диний чөйрөдөгү мамлекеттик саясатты ишке ашырууга кошкон салымы үчүн, ошондой эле Дин иштери жана этностор аралык мамилелер боюнча улуттук агенттиктин 30 жылдыгына карата берилген.

«Даңк» ордени менен сыйлангандар:

• Абдулазиз Закиров — Кыргызстан мусулмандарынын Азирети муфтийи;
• Замир Ракиев — Кыргызстан мусулмандарынын Аалымдар кеңешинин төрагасы.

«Ардак» медалы менен сыйлангандар:

• Ырысбай Ахунбаев — «Көлмө медресе» окуу жайынын директору;
• Марс Ибраев — Аалымдар кеңешинин мүчөсү;
• Жээнбек Таштанов — Жусуп Баласагын атындагы Ислам диний уюмунун негиздөөчүсү;
• Сражидин Туяков — «Абдуллах ибну Масъуд» медресесинин мугалими.