Эмгек, социалдык камсыздоо жана миграция министрлиги бир катар жеке менчик агенттиктерге кыргызстандык жарандарды чет өлкөгө ишке орноштуруу укугун берди.

Министрликке караштуу мекемелер аралык комиссия агенттиктердин ишмердүүлүгүн карап, жыйынтыгында төмөнкү компанияларга бир жылдык мөөнөткө иштөөгө уруксат берген:

• «НаРзиЗ Тур» жана «Шарт Кей Джи» (Германия);
• «Марсель-Е Компани» (Түркия);
• «Гринвей Груп» (Германия);
• «АПГРЕЙД СТАФФ» (Орусия);
• «Ворлд трэвел энд ворк» (Беларусь);
• «Албан Лидер» (Латвия) — шарттуу түрдө узартылды.

Ошол эле учурда «СУЛТАН ТРАВЕЛ» (Польша) жана «Глобус Кей Джи Плюс» (Орусия) компаниялары боюнча маселелерди кароо кийинкиге жылдырылган.

Министрлик жарандарды чет өлкөлөргө иштөөгө баруу үчүн расмий уруксаты бар агенттиктерге гана кайрылууга чакырды.