Кыргызстанда 31-декабрга караган түнү рейд өткөрүлүп, 55 мас айдоочу кармалды. Бул тууралуу Жол кыймылынын коопсуздугун камсыздоо башкы башкармалыгы билдирди.

Маалым болгондой, 31-декабрга караган түнү өлкөдө жол эреже бузган 2 миң 84 айдоочу аныкталып, 214 унаа айып короого коюлган.

Алардын ичинен 55 айдоочу мас абалда унаа башкарганы үчүн кармалган. Ошондой эле 64 айдоочуда тиешелүү документтери болгон эмес, 467 киши ылдамыкты ашырып айдаган, 31 айдоочу карама-каршы тилкеген чыккан.

Рейд 1-январга, Жаңы жылга караган түнү да өткөрүлөт.