4-августтан 10-августка чейин Кыргызстандын аймагында 23 миң 234 жол эрежесин бузуу фактысы катталды. Бул тууралуу Ички иштер министрлигинин Жол кыймылынын коопсуздугун камсыздоо башкы башкармалыгы маалымдады.

Белгиленген мыйзам бузуулар:

• Тийиштүү документтери жок унаа башкаруу — 938 факт;
• Мас абалында айдоо — 353 факт;
• Автоунаа терезелерин мыйзамсыз караңгылатуу — 165 факт;
• Жөө жүргүнчүлөрдүн жол эрежесин бузушу — 1 090 факт;
• Транспорт каражаттарын туура эксплуатациялоого байланыштуу бузуулар — 4 187 факт;
• Авто ээнбаштык — 110 факт;
• Ылдамдыкты ашыруу — 3 481 факт;
• Жалган мамлекеттик номер менен айдоо — 6 факт;
• Башка жол эрежелеринин бузулушу — 16 495 факт.

Ошондой эле, 2 403 автоунаа убактылуу токтотуучу жайга токтотулган.