Бириккен Араб Эмираттарынан 180 кыргызстандык Дубай-Бишкек каттамы аркылуу учуп келди. Бул тууралуу республикалык штаб кабарлады.
Коопсуздукту сактоо үчүн жүргүнчүлөрдүн баары аба майданынын имаратына киргизилбестен, учуу тилкесинен тейленип, обсервацияга жөнөтүлдү.
Буга чейин Бириккен Араб Эмираттарынын бийлиги менен Кыргыз тарап чартердик каттамуюштуруп, кыргызстандыктарды мекенине алып келүү боюнча сүйлөшүү жүргүзгөн.
26-апрелде Дубайдан үч этаптан турган чартердин каттамдын алгачкысы менен 178 кыргызстандык учуп келген.
Кийинки чартердик каттамдын учагы 10-майда уюштурулат.
