«Бишкекгаз» газ кызматы Арча-Бешик конушунда 14-октябрдан 16-октябрга чейин жаратылыш газын берүүнү убактылуу токтотот. Буга орто басымдагы жер алдындагы газ түтүгүндө жүргүзүлө турган иштер себеп болот.

Газ Токомбаев, Тыналиев, Он Арча, Садырбаев, Абдрахманов, Арча-Бешик жана 18-көчөлөрүндө, ошондой эле Арча-Бешик конушунда өчүрүлөт.

Абоненттерден газ өчүрүлгөн убакта энергиянын альтернативдүү булактарын колдонууну суранышты. «Бишкекгаз» ишканасы жүргүзүлүп жаткан иштер газ менен камсыздоонун ишенимдүүлүгүн жана коопсуздугун камсыз кылуу үчүн зарыл экенин билдирип, жаралган ыңгайсыздыктар үчүн кечирим сурады.