Россиянын президенти Владимир Путин жаңы эскерүү датасын — Улуу Ата Мекендик согуш жылдарында нацисттер жана алардын көмөкчүлөрү тарабынан жасалган совет элинин геноцид курмандыктарын эскерүү күнүн белгилөө жөнүндө мыйзамга кол койду. Ал жыл сайын 19-апрелде белгиленет. Мыйзам долбоору Мамлекеттик Думага депутаттар тобу тарабынан ноябрь айында эле сунушталган болчу.

Мыйзамдын демилгечилери бул датаны нацисттердин кылмыштары тууралуу тарыхый чындыкты сактап калуу максатында бекитүүнү сунушташкан. Эскерүү күнүн белгилөө СССРдин тынч жаткан калкынын арасындагы миллиондогон курмандыктарды эскерүүгө жана аларга таазим кылууга багытталган.