Бишкек–Чалдовар жолундагы кырсыктан бир адам каза болду. Бул тууралуу Жол кыймылынын коопсуздугун камсыздоо башкы башкармалыгынан билдиришти.

Маалыматка караганда, жол кырсык 24-майда саат 00:25тер чамасында Бишкек–Чалдовар унаа жолунун 28-чакырымында катталган.

Анда Беловодск айылынын 26 жаштагы А.Г., аттуу тургуну “БМВ-524” үлгүсүндөгү унаасы менен чыгыштан батышты көздөй бара жатып, жолдун жарыктандыруучу жарыктардын күйбөгөндүгүнөн жолдо өтүп жаткан жөө жүргүнчүнү сүзүп алган.

Натыйжада 35-40 жаштар чамасындагы жөө жүргүнчү аял алган жаракаттарынан улам окуя болгон жерде каза болгон.