Бишкек — Кант — Токмок жолун оңдоо иштери башталды. Бул тууралуу Транспорт жана коммуникациялар министрлиги билдирди.
Учурда жолдун Лебединовкадан Новопокровкага чейинки бөлүгүндө капиталдык оңдоо иштери жүрүп жатат. Ага байланыштуу жолдун бир тарабы жабылды.
Бишкек — Кант — Токмок жолу этап-этабы менен оңдолот. Министрлик аталган жолдун 18 чакырымына асфальт төшөлө тургандыгын билдирди. Ошондой эле бул долбоордо көпүрөнү оңдоо, эки тарабына тротуар, унаа токтотуучу жай куруу иштери пландалган.
