Бишкекте жол кырсыгы болгон жерден качып кеткен айдоочу кармалды. Бул тууралуу Патрулдук милиция кызматынын борбордогу бөлүмүнөн билдиришти.

Маалыматка ылайык, 2021-жылдын 23-декабрында саат 02.30дар чамасында Бөкөнбаев-Ибраимов көчөлөрүнүн кесилишинде айдоочу белгисиз унаа менен 60 жаштагы жаранды сүзүп, кырсык болгон жерден качып кеткен. Натыйжада жабырлануучу ар кандай жаракаттар менен ооруканага жеткирилген.

Патрулдун кызматкерлери 32 жаштагы Toyota Corolla унаасынын айдоочусун таап, кармашкан. Ал кошумча иликтөө үчүн Бишкек ШИИБге жеткирилди.

Аталган факты электрондук журналга катталган.